स्वास्थ्य तथा जनसङ्ख्या मन्त्रालयको आगामी आर्थिक वर्ष २०७७-७८ को बजेटमा उल्लेख्य वृद्धि भएको छ ।
वर्तमान आर्थिक वर्षको संशोधित अनुमान २४ अरबको तुलनामा आगामी आर्थिक वर्षमा यसलाई ६१ अरब पुर्याइएको छ। चालु खर्चलाई १९ अरबबाट ४५ अरबमा र पूँजी खर्चलाई ५ अरबबाट १५ अरबमा बढाइएको छ ।
कोरोना फैलिरहेको अहिलेको अवस्थामा यो वृद्धि धेरै अपेक्षित पनि थियो ।
यद्यपि खर्च गर्ने क्षमता अहिलेभन्दा करीब तीन गुनाले बढाउनु पर्ने देखियो, विशेष गरी पूँजीतर्फ ।
अहिलेसम्मको तथ्याङ्क हेर्दा पूँजीतर्फ वार्षिक पाँच-सात अरब जति खरब गर्न सकिने रहेछ । र एकै वर्षमा १५ अरब खर्च गर्नको लागि चाहिं राम्रै योजना र कार्यान्वयनको आवश्यकता छ ।