Help Nepal Network (HeNN) को १० करोड अक्षयकोषको लागि आज अगस्ट २५, २०१२सम्म १,१६,५०० जापानी-येन जम्मा भएको कुरा यसै ब्लगमार्फत सार्वजनिक गर्न चाहन्छु । रकम HeNN को सल्लाहमा र मेरो आफ्नै समय-अनुकुल ध्यानमा राखेर PayPal अथवा सिधै बैँकमा ट्रान्सफर गरिनेछ । ट्रान्सफरपश्चात यही ब्लगमार्फत सो कुराको जानकारी दिनेछु ।
रकम संकलन करीब एक महिना अगाडि जापानमा रहेका केही मित्रहरूलाई ईमेलमार्फत सोझै सम्पर्क गरी सुरुवात थिएँ । साथीहरूबाट ईमेल र फोनमार्फत राम्रा प्रतिकृया आए ।
संकलनको कुरा अगस्ट ११ मा यही ब्लगमार्फत सार्वजनिक पनि गरियो । रवीन्द्र मिश्रज्यूले ट्विटर र फेसबुकमार्फत त्यो लिंकलाई सेयर गरिदिनुभएपछि अरू केही सकारात्मक प्रतिकृया आए ।
अहिलेसम्म चन्दा सहयोग गर्नेहरू चाहिँ व्यक्तिगत रुपमा नजिकका साथीहरू नै छन् । सायद यहाँ ‘विश्वास’को कुरा छ । हालसम्मको प्राप्त रकम HeNNलाई हस्तान्तरण गरिसकेपछि, अर्को चरणहरूमा अरूहरूबाट पनि सम्पर्क होला नै, हेर्दै जाऊँ ।
अहिलेसम्म जापानबाट प्राप्त रकम हेर्न यता जानुहोस् । (Updated Sep 1, 2012)
यस बाहेक कपिलदेव थापाले छुट्टै रू एक लाख यस कोषलाई पहिले नै प्रदान गरिसक्नुभएको रहेछ । हिजो वहाँसँग यस विषयमा कुराकानी भएको थियो । जापानवासी भएको नाताले यो वहाँको नाम यहाँ उल्लेख गरेको छु ।
हुन त अन्य मित्रहरूले पनि सहयोगको ईच्छा देखाउनुभएको छ । त्यसमध्ये कोहीले त नेपालमा हुँदादेखि र त्यसपछि जापानबाट पनि HeNNलाई सहयोग गर्नुभएको रहेछ । कति भनेर किटान नगरिसक्नुभएको अवस्थामा वहाँहरूको नाम सार्वजनिक गरिसकिएको छैन । अर्को चरणमा संलग्न गर्ने कोशिष गरिने छ ।
के तपाईँ जापानमा बस्नुहुन्छ ? र यस अक्षयकोषलाई सहयोग गर्न चाहनुहुन्छ ? ईच्छुक मित्रहरूले kumarsimkhada [at] gmail.com मा सिधै मलाई पत्राचार गर्नुहोस् । वा टेलिफोन ०४८-२८०-६१८५मा सम्पर्क गर्नुहोस् ।
Related
Appeal for Rs 100m Charitable Endowment Fund
HeNN’s Rabindra Mishra’s Facebook Page