गत हप्ता १३ नोभेम्बरका दिन डा बाबुराम भट्टराईको कार्यक्रममा सरिक हुन बेलायतको अल्डरसटमा पुगियो ।
औपचारिक रुपमा राजीनामा दिइसकेको भए पनि आफ्नो क्षेत्रको सभासद/सांसद भएको नाताले प्रत्यक्ष रुपमा सरोकार रहने विषयमा सुन्ने पनि ध्येय रह्यो ।
उनीले जोड दिएको आर्थिक सम्बृद्धिको विषय समयानुकुल छ । र विचारहरू पनि त्यसप्रति लक्षित छन् । आर्थिक सम्बृद्धिका विषयमा देशले फड्को मार्नका निमित्त हामीले अंगाल्न पर्ने नीतिहरू, उनको भनाइमा, यी तीन विषय हुन् –
- उद्दमशिलता र व्यवसायिकताः यसको लागि हामीले श्रममाथि श्रद्धा गर्न पर्यो, शीपमूलक शिक्षामा जोड दिन पर्यो, र व्यवसायिक सोच राख्न पर्यो ।
- राजनैतिक अस्थीरताः प्रत्यक्ष निर्वाचित कार्यकारीको व्यवस्था हुन पर्यो ।
- राज्य र निजी क्षेत्रको सहकार्यः स्वास्थ्य, शिक्षा, यातायात, सूरक्षा, पूजी राज्यले ठिक पार्न पर्यो । बाँकी निजी क्षेत्रको जिम्मामा छोडिदिन पर्यो । तर विद्यमान भूमि नीति सुधार गरी, भूमिमाथिको स्वामित्व राज्यको हुने तर उपयोग जनताले गर्ने व्यवस्था गर्न पर्यो ।
दोश्रो र तेश्रो बुँदाको लागि ठुलै राजनैतिक सहमतिको आवश्यक पर्दछ जुन त्यति सहज छैन । व्यक्तिगत रुपमा म आफैं पनि प्रत्यक्ष निर्वाचित कार्यकारीको समर्थक हुँ ।
व्यवहारिक रुपमा देशको सम्बृद्धिको लागि सबभन्दा आवश्यक भनेको देशका विभिन्न अंगहरू परिपक्व र भ्रष्टाचाररहित हुन सक्नुपर्छ, जनतालाई काम गर्दा उचित फल (incentive) आउने मोडलका नीति निर्माण हुनुपर्छ र कार्वान्वयन हुन सक्नुपर्छ ।
अहिलेको युगमा देश बिकास गर्नको लागि बलिया कम्पनीहरू बन्नु पर्छ । साथै तीलाई सही तवरले नियन्त्रण गर्न राज्य सक्षम र सफल हुन सक्नुपर्छ । कुनै व्यक्ति वा सरकारले देशको बिकास गर्ने दिन गए ।
कति वर्षभित्र आयदर कति पुर्याउने भन्ने कुरा पनि निस्कने नै भयो । उनीले आफ्नो धारणा राखे – जसमाथि मैले केही महिनाअगाडि सानो टिप्पणी गरेको थिएँ । यो पोस्टमा त्यस विषयमा प्रवेश नगरौं ।
जनताको रुपमा प्रतक्ष सरोकारको विषयमा रहेको बुढीगण्डकी जलविद्युत आयोजना ढिलाइ र स्थानीयहरूको उचित विस्थापनबारे उनको धारणा यस्तो रह्यो ।
आयोजनाको बारेमा Rishi Khanal र Kumar Simkhada को प्रश्नमाथि Dr Baburam Bhattarai को जबाफ लण्डनमा !
Posted by Rishi Khanal on Sunday, November 13, 2016