हामी अधिकांश नेपालीहरूलाई सानो छँदा ‘पुलिस’ शब्द सुन्नेबित्तिकै भय उत्पन्न हुन्छ । झन प्रतक्ष देख्ता त झनै मनै ढक्क फुलेर आउने । र, त्यो मानसिक दर्दलाई कम गर्दै ‘सामान्य’ हुनको लागि वर्षौं लाग्दो रहेछ ।
बच्चलाई सम्झाउन, तह लगाउन झगडा गर्दा ‘पुलिस’ भन्ने ‘राक्षसी जन्तु’ आउने घुर्की सुनाएर हाम्रा अभिभावकले क्षणिकरूपमा बच्चाहरूलाई ‘तह’ त लगाउछन् नै, तर त्यो त्रासले ती अबोध बाल-बालिकहरूलाई वर्षौंसम्म गाँजिरहन्छ ।
विदेशमा नर्सरीदेखि प्राथमिक तहसम्मका बच्चाहरूलाई वर्षमा एक दिन नजिकैको प्रहरी चौकीमा लगेर “सुरक्षा गरिदिएबापत धन्यवाद” जस्ता सन्देश लेखी प्रहरीलाई बुझाउन लगाइन्छ । यसले उनीहरूको प्रहरीप्रतिको सोच सकारात्मक रहन सहयोग गर्दछ । र तिनैमध्ये कति प्रहरी बनेर समाजको सुरक्षा दिने सपना देख्न थाल्छन् ।
गत हप्ता नेपाल प्रहरीको फेसबुक पेजमा यस विषयमा लेखिएको यो सन्देश साह्रै समयसापेक्ष छ । अभिभावकहरू आफ्नो बच्चाको सुन्दर भविष्य देख्न चाहन्छन् भने यसलाई मनन गर्नु जरूरी छ ।
